झापा / चितवनकाे राप्ती नगरपालिका-१ स्थित लोथर पुल नजिकैबाट अवैध लागूऔषध गाँजा जस्तो देखिने वस्तु करिब ६ सय ७१ किलो ६ सय ग्रामसहित एक जना भारतीय ट्रक चालक पक्राउ परेका छन् ।
पक्राउ पर्नेमा भारतकाे बिहार पूर्वी चम्पारण तुर्कालिया घर भएका ३७ वर्षीय सेख सविलख्तारलाई शनिबार बिहान प्रहरीले पक्राउ गरेको हाे ।
जिल्ला प्रहरी कार्यालय चितवनबाट खटिएको प्रहरीले चितवनबाट मकवानपुरतर्फ जाँदै गरेको युपि ८२ टि ३९२१ नम्बरको ट्रकलाई जाँच गर्ने क्रममा ड्राईभर क्याबिनको माथिको भागमा फल्स बटन बनाई लुकाई छिपाई राखेको ४३ वटा पोकाबाट उक्त परिमाणको गाँजा फेला पारी चालकलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यायल चितवनले जानकारी दिएकाे छ ।
