झापा । गएमध्यराती जंगली हात्तीले एउँटा घरमा ठूलो क्षति पुर्याएको छ । भद्रपुर ७ स्थित कालीमन्दीर टोलका टिकाराम खतिवडाको घरमा आएको एकवटा जंगली हात्तीले टिनको छानो भएको पक्की घरको दुई स्थानमा भत्काएर क्षति पुर्याएको पीडित खतिवडाले बताए ।
हात्तीले घरको बरण्डा तर्फको पर्खाल भत्काउँदा दुईवटा साइकल कामै नलाग्ने गरी क्षति पुर्याएको छ भने पछाडि तर्फको पर्खाल भत्काएर १५ मन भन्दा बढी धान खाएर क्षति पुर्याएको उनले बताए । क्षतिपुर्तिका लागि कानुनी प्रक्रियामा जाने उनले जानकारी दिए ।
