झापा / प्रतिनिधिसभा सदस्य निर्वाचन २०८२ काे केहि ठाँउ बाहेक देशभरि मत गणना चलिरहेकाे छ । यसै क्रममा चितवन क्षेत्र नम्बर ३ मा राष्ट्रिय स्वतन्त्र पार्टी (रास्वपा) की सोबिता गौतम झन्डै दोब्बर मतले अग्रता लिएकी छिन् ।
१९ हजार ४५ मत गणना गर्दा गौतमले ९ हजार ८७९ मत ल्याएकी छिन् भने उनीलाई
नेपाली कम्युनिष्ट पार्टी (नेकपा) की उम्मेदवार रेनु दाहालले ५२५६ मतका साथ पछ्याइरहेकी छिन् ।
नेकपा एमालेका शंकर थपलियाले एक हजार ४६५, कांग्रेसका टेकप्रसाद गुरूङले १ हजार २२, राप्रपाका दीपक थापाले ३२३ मत प्राप्त गरेका छन् ।
