साङ्केतिक तस्वीर
झापा । झापाको कचनकवल ३ गंगाबस्तीमा विषालु सर्पले टोकेर एक बालिकाको मृत्यु भएको छ ।
हिजो साँझ ५ः३० बजेको समयमा कचनकवल गाउँपलिका वडा नं.३ गंगाबस्ती
बस्ने हरिप्रसाद राजवंशीकी १२ वर्षीया मनिषा राजवंशीलाई आफ्नै भण्डार
कोठाभित्र टेबल निकाल्ने क्रममा कालो गोमन सर्पले टोकेको जिल्ला प्रहरी कार्यालयले जनाएकाे छ । बालिकालाई
बनियानी सर्पदंश उपचार केन्द्रमा प्राथमिक उपचार गरी थप उपचारको लागि
बीएण्डसी अस्पताल बिर्तामोड लैजाने क्रममा बाटैमा मृत्यु भएको जिल्लाका डिएसपी कृष्णकुमार चन्दले जानकारी दिए ।
स्वर्णिम शिक्षा सदनको कक्षा ६ मा अध्ययनरत ती बालिका परीक्षाको तयारीका लागि टेबल निकालेर पढ्न लागेकी थिइन् । बालिकालाई टोकेको कालो गोमनलाई भण्डार कोठा सफा गरी मारिएको गाउँपालिका उपाध्यक्ष नवराज भट्टराईले बताए ।
