झापा / झापाकाे मेचीनगर नगरपालिका –६ काँकरभिट्टामा दिपेश सुबेदीले संचालन गरेको काठ मिलकाे काेठामा एकजना व्यक्ति मृत फेला परेका छन् ।
मृत हुनेमा सोही काठ मिलका जग्गाधनी ५० वर्षीय मोहन उप्रेती रहेकाे छन् । उनले पहिलेदेखि अत्यधिक मादक पदार्थ सेवन गर्ने गरेको बताइएको छ ।
आज बिहान ९.४५ बजे सुबेदीले संचालन गरेको काठ मिलको कोठामा सुतिरहेको अवस्थामा उनी मृत फेला परेको प्रहरीले जानकारी दिएकाे छ । इलाका प्रहरी कार्यालय काँकरभिट्टाबाट टोली खटिएर कानुनी प्रकृया पुरा गरी शव पोस्टमार्टमको लागि प्रादेशिक अस्पताल भद्रपुर पठाएको छ ।
