झापा । ‘अर्ना छैठौं झापा गोल्डकप’ उद्घाटन समारोहको अवसर पारेर शनिवार झापा गोल्ड कपले एक लाख ११ हजार १११ रुपैयाँको चेक प्रदान गरेको छ ।नेपाल पत्रकार महासंघ झापा शाखाले स्थापना गरेको ‘पत्रकार सहारा उपचार कोष’ लाई झापा गोल्डकपले सहयोग प्रदान गरेको हाे ।
झापा गोल्ड कपका अध्यक्ष विनोद वस्नेत र प्रमुख अतिथि संघीय संसदका सभामुख देवराज घिमिरेले पत्रकार महासंघ झापा शाखाका अध्यक्ष एकराज गिरीलाई चेक प्रदान गरेका थिए ।
पत्रकारहरूको उपचारका लागि स्थापना गरिएको कोषको रकम १ करोड नजिक पुगेको महासंघका उपाध्यक्ष केशव भट्टराईले जानकारी दिए ।
