झापा / सिराहामा आफ्नै विद्यार्थीमाथि कुटपिट गरेको आरोपमा एक शिक्षकलाई पक्राउ गरिएकाे छ ।
यसरी प्रकाउ पर्ने शिक्षक गोलबजार नगरपालिका– ७ चोहर्वास्थित एपेक्स विद्या मन्दिरका सन्तोष गुप्ता रहेकाे प्रहरीले जानकरी दिएकाे छ ।
कक्षा ८ मा अध्यनरत सिराहाकै नरहा गाउँपलिका ३ खोरीयाका सुरेश यादवका छोरा १३ वर्षीय अभिनाशलाई मरनासन्न हुनेगरी कुटपिट गरेको आरोपमा प्रहरीले गुप्तालाई पक्राउ गरेको जनाएको छ ।
गुप्ताको कुटपिटबाट बालकको शरीरभरी निलडाम छ । अभिभावकको उजुरीपछि प्रहरीले उनलाई पक्राउ गरेको हो ।
उनले बालकलाई कक्षा कोठाबाट बाहिर निकाली अर्को कोठामा थुनेर बाँसको लाठीले निर्घात कुटपिट गरेका अभिभावकको आरोप छ ।
कुटपिटबाट शरीरभरी चोट लागेका बालकको अहिले गोलबजारस्थित बर्धमान अस्पतालमा उपचार भइरहेको प्रहरीले जनाएको छ ।
