साङ्केतिक तस्वीर
झापा । बिर्तामोडका देवी कार्कीको कोठाबाट लाखौंको धनमाल चोरी
भएको हो ।
आइतबार दिउँसो ४ बजे ताप्लेजुङ पाथीभरा याङवरक– ६ घर भई हाल बिर्तामोड– ४ पुरानो बिजुली अफिस अगाडी निर्मल कट्वालको तीन तले घरको दोस्रो तला फ्ल्याट भाडामा लिई बस्दै आएका कार्कीको कोठाबाट लाखौंको धनमाल चोरी भएको जिल्ला प्रहरी कार्यालय झापाले जनाएकाे छ ।
चोरले ढोका खोलेर कोठाभित्र राखेको नगद २ लाख ६१ हजार, ५ तोला ६ आना सुन (अन्दाजी मूल्य १२ लाख ८९ हजार ८७४) र रेड्मी नोट १४ मोबायल थान १ (अन्दाजी मूल्य २८ हजार ) समेत गरी जम्मा १५ लाख ७८ हजार ८७४ रुपैयाँ बराबरको नगद तथा जिन्सी सामान चोरी गरी लगेको पीडितको भनाई छ ।
