झापा । वैदेशिक रोजगारका क्षेत्रका समस्या, चुनौती र त्यसका समाधानका विषयहरूलाई समेटेर तयार गरिएको ‘सुखानी वैदेशिक रोजगार विशेषाङ्क पुस्तक आइतबार भद्रपुरमा विमोचन गरिएको छ । प्रेस क्लब भद्रपुरका अध्यक्ष राजबाबु शंकरको अध्यक्षता तथा नेपाल प्रेस इन्स्टिच्युटका अध्यक्ष तीर्थ कोइरालाको प्रमुख आतिथ्यमा पुस्तक विमाेचन गरिएकाे हाे ।
प्रेस क्लब भद्रपुरको आयोजनामा पत्रकार राजु पाठकको सम्पादकत्वमा तयार गरिएको ‘सुखानी वैदेशिक रोजगार विशेषाङ्क म्यागेजिन प्रमुख अतिथि कोइराला, नेपाल पत्रकार महासंघ कोशी प्रदेश उपाध्यक्ष अम्बिका भण्डारी, नेपाल पत्रकार महासंघ झापा अध्यक्ष एकराज गिरी, वैदेशिक रोजगार व्यवसायी संघ झापाका अध्यक्ष धनबहादुर पन्धाकलगायतले संयुक्त रुपमा विमोचन गरेका थिए ।
महासंघ झापा अध्यक्ष एकराज गिरीले पुस्तकको चर्चा गरेको कार्यक्रममा स्वागत प्रेस क्लब भद्रपुरका महासचिव भेषराज नेपालले गरेका थिए । कार्यक्रममा प्रमुख अतिथि कोइराला, महासंघ कोशी प्रदेश उपाध्यक्ष भण्डारी, महासंघ पूर्व अध्यक्ष तारामणि सापकोटा, वैदेशिक रोजगार व्यवसायी संघ झापाका अध्यक्ष धनबहादुर पन्धाकलगायतले शुभकामना मन्तव्य राखेका थिए ।
कार्यक्रमको सञ्चालन क्लबकाका उपाध्यक्ष रोहित काफ्लेले गरेका थिए ।
