नवलपुर । दुम्कौलीमा रहेको चौधरी उद्योग ग्रामले प्रदूषण फैलाएको भन्दै स्थानीय विरोधमा उत्रिएका छन् । आइतबार चौधरी उद्योग रहेको गाउँका टोल विकास संस्थामा आबद्ध स्थानीयले वातावरण प्रदुषण नियन्त्रण समितिको नेतृत्वमा उद्योगको गेटमै जम्मा भएर प्ले कार्डसहित विरोध गरेका हुन् ।
६ महिना अघि उद्योगसंग गरेको सम्झौता अनुसारका कुनै पनि कार्य नगरेको स्थानीयको भनाइ छ । माग पुरा नभए सम्म आन्दोलन जारी रहने वातावरण प्रदुषण नियन्त्रण समिति देवचुली वडा नं २ का अध्यक्ष ठाकुर प्रसाद शर्माले बताए ।
