झापा । आगामी तीनवर्षे कार्यकालका लागि नेपाल निजामती कर्मचारी संगठन झापाको अध्यक्ष पदमा हिरण्य न्यौपाने चयन भएका छन् ।
नेपाल निजामती
कर्मचारी संगठन झापाको शनिबार सम्पन्न १२ औँ जिल्ला अधिवेशनले न्याैपाने अध्यक्ष रहनेगरी कार्य समिति चयन गरेकाे हाे ।
अध्यक्षलगायत सबै पद सर्वसम्मत चयन भएको निर्वाचन समितिका संयोजक देवराज
कार्कीले जानकारी दिए । उनका अनुसार खुला उपाध्यक्षमा चिरन खतिवडा र महिला
उपाध्यक्षमा चन्द्रा पोखरेल, सचिवमा पूर्णचन्द्र मैनाली, सहसचिवमा
चिरञ्जीवी खवास र कोषाध्यक्षमा मनोज भट्टराई चयन भएका छन् भने खुला सदस्यमा
हेमचन्द्र शर्मा, कृष्णप्रसाद भट्टराई, हिमाल सुवेदी, मनिषा कोइराला,
कुवेरप्रसाद न्यौपाने, नर्वदा तिम्सिना, गणेशदत्त तिमल्सेना, यामकुमार
कुरुम्बाङ, सागर दाहाल र हेमचन्द्र लामिछाने शर्मा, महिला सदस्यमा मञ्जु
भट्टराई र दुर्गा अधिकारी तथा मधेसी सदस्यमा दिवाकर सुनरैव चयन भएका छन् ।
यसैगरी, लेखा आयोग संयोजकमा सुवास वि.क. र सदस्यमा रविन्द्र अधिकारी र
अरुणा भट्टराई चयन भएका छन् भने कोशी प्रदेश प्रतिनिधिमा मोहनप्रसाद ढकाल,
शत्रुघनप्रसाद चौधरी, टंकनाथ दुलाल, सीता भण्डारी, मन्दिरा श्रेष्ठ,
कृष्णप्रसाद सुवेदी, प्रकाश योङहाङ, जटाशंकर झा र खीना तिम्सिना सर्वसम्मत
चयन भएको निर्वाचन संयोजक कार्कीले जानकारी दिए ।
भद्रपुर १० चन्द्रगढीस्थित संगठनको आफनै भवनको सभाहलमा प्रमुख अतिथि नेकपा (एमाले)–झापाका अध्यक्ष प्रेम गिरीले अधिवेशन
उद्घाटन गरेका थिए ।
संगठनका अध्यक्ष केदार पोखरेलको अध्यक्षता एवम् सचिव कृष्ण सुवेदीले
सञ्चालन गरेको अधिवेशनलाई सम्बोधन गर्दै प्रमुख अतिथि गिरीले राजनीति र
कर्मचारीतन्त्रबीच नङ र मासुको जस्तो सम्बन्ध रहने हुँदा दुबै
संयन्त्रबीचको सहकार्य र समन्वयबाट मात्र सुखी नेपाली, समृद्ध नेपालको
अभिभारा पूरा हुने बताए । उनले प्रक्रिया पूरा गरेर आएका सेवाग्राहीको काम
छिटो र छरितो ढंगले सम्पादन गरिदिन पनि कर्मचारीहरुलाई आग्रह गरे ।
उपाध्यक्ष हिरन्य न्यौपानेले स्वागत गरेको कार्यक्रममा अध्यक्ष पोखरेलले
संगठनको वार्षिक प्रतिवेदन प्रस्तुत गर्दै आफ्नो कार्यकालमा भएका
कार्यप्रगतिका बारे जानकारी दिनुका साथै आागमी कार्ययोजना पनि प्रस्तुत
गरेका थिए ।
सोही अवसरमा संगठनले संगठनका कोशी प्रदेश इञ्चार्ज एवम् संगठन झापाका पूर्व
अध्यक्ष लक्ष्मीप्रसाद गुरागाईंलाई सम्मान गरेको थियो ।
