झापा / नयाँ सरकार गठनकै भाेलिपल्ट नेकपा एमालेका अध्यक्ष केपी शर्मा ओली पक्राउ परेपछि सरकारकाे विरोधमा नेकपा एमालेका जनवर्गीय संगठनहरूले आज देशैभर जिल्ला प्रशासन कार्यालयमा विरोध पत्र बुझाएका छन् ।
यसैबीच झापा जिल्ला प्रशासन कार्यालयमा पनि सयाैंकाे सङ्ख्यामा र्याली सहित एमालेका कार्यकर्ताहरू पुगेर विरोध पत्र बुझाएका छन् ।
उनीहरूले ओली पक्राउको विरोधमा केही बेर जिल्ला प्रशासन कार्यालय अगाडि नाराबाजी गर्दै प्रदर्शन गरेका थिए ।
एमालेका कार्यकर्ताहरूले हिजोदेखि नै प्रदर्शन थालेका छन् । शनिबार काठमाडौंको माइतीघर बबरमहल क्षेत्रमा एमाले कार्यकर्ताहरू प्रदर्शनमा उत्रिएका थिए । गत २३ र २४ भदौमा जेनजी आन्दोलन भएको थियो । उक्त आन्दोलनमा दमन भएको थियो ।
जेनजी आन्दोलनको बेला एमालेका अध्यक्ष ओली प्रधानमन्त्री थिए भने कांग्रेस नेता रमेश लेखक गृहमन्त्री थिए ।
ओली र लेखक पक्राउ परेपछि एमालेले विरोधमा प्रदर्शन थालेको हो ।
