झापा । खानेपानी उपभोक्ता तथा सरसफाइ समिति भद्रपुर–१० चन्द्रगढीको २९ लाख १६ हजार ४ सय ६० पैसा बचत रहेको जनाएको छ । समितिकाे शुक्रबार सम्पन्न २२ औं बार्षिक साधारण सभामा समितिका अध्यक्ष पुरुषोत्तम अधिकारीले प्रस्तुत गरेकाे प्रतिवेदनमा रकम सार्वजनिक गरिएकाे हाे ।
अध्यक्ष अधिकारीले प्रस्तुत गरेकाे प्रतिवेदन अनुसार गत आर्थिक बर्ष २०८०। ८१ मा सहयोग तथा अनुदानसहित २ करोड ११ लाख ८२ हजार २ सय ८७ रुपैयाँ १ पैसा आम्दानी र १ करोड ८२ लाख ६५ हजार ८ सय ८६ रुपैयाँ ४१ पैसा खर्च भई २९ लाख १६ हजार ४ सय ६० पैसा बचत रहेको जनाएको छ । त्यसैगरी चालु आर्थिक बर्ष २०८१।८२ का लागि २ करोड ७६ लाख ४९ हजार २ सय २१ रुपैयाँ ६० पैसा आम्दानी र २ करोड ६३ लाख ३० हजार खर्च गरी १३ लाख १९ हजार २ सय २१ रुपैयाँ ६० पैसा बचत गर्ने लक्ष्य लिएको प्रतिवेदनमा उल्लेख गरिएको छ ।
अध्यक्ष अधिकारीकाे सभापतित्व तथा प्रतिनिधिसभाका सभामुख देवराज घिमिरेको प्रमुख आतिथ्यमा कार्यक्रम सम्पन्न भएकाे थियाे ।
समितिका उपाध्यक्ष बाबुराम पराजुलीले स्वागत गरेको कार्यक्रममा उत्कृष्ट कर्मचारीका रुपमा जुनीयर प्राविधिक नारायणप्रसाद निरौलालाइ ११ हजार १ सय ११ नगदसहित सम्मान गरिएको थियो ।
समितिका सचिव बावुराम कार्कीले सञ्चालन गरेको कार्यक्रममा भद्रपुर नगरपालिका उपप्रमुख राधा कार्की, खानेपानी डिभिजन प्रमुख झापाका विकास काफ्लेले मन्तव्य राखेका थिए ।
बन्द सत्रमा समितिका काेषाध्यक्ष खेमराज भट्टराइले आर्थिक प्रतिवेदन प्रस्तुत गरेका थिए । दुवै प्रतिवेदन वहुमतले पारित गरेकाे जनाइएकाे छ ।
