साङ्केतिक तस्वीर
झापा । झापामा कारको ठक्करबाट मोटरसाइकल चालक गंभीर घाइते भएका छन् ।
आज साँझ ५ः५० बजे गौरादह नगरपालिका वडा न.२ दाहाल चोकस्थित गौरीगञ्ज –पाडाजुंगी सडकखण्डमा गौरादहबाट पाडाजुंगीतर्फ आउँदै गरेको प्र.१–०२–००२ च ४३६९ नम्बरको कार र बिपरीत दिशाबाट जाँदै गरेको प्रदेश न.१–०१–०१७ प २६०८ नम्बरको मोटरसाइकल एक आपसमा ठक्कर खाई दुर्घटना भएको हो ।
दुर्घटनामा मोटरसाइकल चालक गौरादह नगरपालिका वडा न.६ का ३१ वर्षीय चन्द्रप्रसाद राजवंशी गंभीर घाइते भएका छन् ।
टाउको र दुबै हातमा चोट लागेका राजवंशीको बीएण्डसी अस्पताल बिर्तामोडमा उपचार भइरहेको छ । मोटसाइकल, कार र कार चालक इटहरी –१ बस्ने ४४ वर्षीय तीर्थराम अधिकारीलाई नियन्त्रणमा लिई इलाका प्रहरी कार्यालय गौरादहमा राखिएको जिल्ला ट्राफिक प्रहरी कार्यालयले जनाएको छ ।
