झापा । सामुदायिक वनबाट चोरी गरी लुकाइराखेको ६० क्यु.फिट साल जातको गोलिया बरामद गरेको छ । सशस्त्र प्रहरीले झापा बिर्तामोड– ७ स्थित सुन्दर निचाझोडा भुजेल डाँडा भन्ने स्थानमा लुकाई राखेको ६० हजार मूल्य बराबरको सालको गोलिया बरामद गरिएको हो ।
सशस्त्र प्रहरी वल नेपाल सुरक्षा बेस क्याम्प गोलधापबाट र सुन्दर निचाझोडा सामुदायिक वनबाट २ जना वनरक्षक गरी ७ जनाको संयुक्त गस्ती टोलीले सो गोलिया र १० हजार मूल्य बराबरको साल जातका बिरुवा नियन्त्रणमा लिई कार्वाहीका लागि वन उपभोक्ता समितिलाई बुझाइएको वन समितिका अध्यक्ष बद्री प्याकुरेलले जानकारी दिएका छन् ।
