नेकपा एमालेको झापा क्षेत्र नं २ को मतगणना विवादका कारण स्थगित भएको छ ।
एमालेको ११ औ महाधिवेशनमा प्रतिनिधि चयनका लागि मतदान भएको थियो । त्यसको मतगणनामा विवाद भएको हो । आज बिहानको राति बिर्तामोड ४ स्थित एमालेको जिल्ला पार्टी कार्यालयमा अर्जुनधारा नगरपालिकाका नगर प्रमुख बलदेब सिंह गोम्देन तामाङको नामबाट आएको सदर मतलाई बदर बनाई गन्ती नगरेको भन्दै १२/१५ जनाको स्थानीय युवाहरुले विवाद गरेका हुन् । त्यसपछि मतगणना रोकिएको हो ।
बिर्तामोड नगरपालिका वडा नम्बर १ देखि ९ नम्बर वडा, अर्जुनधारा नगरपालिका वडा नम्बर १ देखि ११ सम्म र कन्काई नगरपालिका वडा नम्बर ८ र ९ को मतगणना भइरहेको अबस्थामा विवाद भएको बताइएको छ । आन्तरिक छलफल भएपश्चात् आज बिहान ८ बजे देखि पुनः मतगणना गर्ने सहमति भएको पार्टी स्रोतले जनाएको छ ।
