झापा जिल्ला बिर्तामोड नगरपालिका–१० फेसबुकचोकस्थित खेतमा करेन्ट लागी एक महिलाको मृत्यु भएको छ।
घटनामा ५५ वर्षीया तालामाई मर्डीको मृत्यु भएको जिल्ला प्रहरी कार्यालय झापाले जनाएको छ।
उनले आफ्नो घरमा बिग्रिएको बिजुली हेर्ने क्रममा खेतमा गएर तार छुन खोज्दा करेन्ट लागी घोप्टो परी मृत अवस्थामा फेला परेकी थिइन्।
घटना आज (२०८२ साल कात्तिक ७ गते) दिउँसो करिब १२:१५ बजे भएको हो।
उक्त घटनाको जानकारी प्राप्त भएपछि इलाका प्रहरी कार्यालय अनारमनीबाट प्रहरी निरीक्षक सन्तोष राईको कमाण्डमा SOCO टोली घटनास्थलमा खटिएको थियो।
प्रहरीका अनुसार, मृतकको शवलाई कानुनी प्रक्रिया पूरा गरी पोष्टमार्टमका लागि प्रादेशिक मेची अस्पताल, भद्रपुर पठाइएको छ।
घटनाबारे थप अनुसन्धान भइरहेको प्रहरीले जनाएको छ।
