झापा । कुवेत पुगेका एक झापालीको निधन भएको छ । बैदेशिक रोजगारीको शिलशिलामा कुवेत पुगेका झापा बिर्तामोड नगरपालिका–१ हनुमाननगरका ३३ वर्षीय विकास कार्कीको निधन भएको खबर प्राप्त भएको पारिवारीक स्रोतले जानकारी दिएको छ ।
विकासको के कारणले मृत्यु भएको हो भन्ने यकिन खुल्न नसकेको उनका बुबा
ध्रवराज कार्कीले बताए । छोराको निधन भएको खबर आयो तर, के कति
कारणले निधन भएको केही खुल्न नसकेको उनले बताए ।
डेढ वर्ष अघि वैदेशिक रोजगारीको शिलशिलामा काठमाण्डौंको ओमेगा इन्टरनेश्नल म्यानपावर कम्पनी मार्फत कुवेत पुकेका विकास ईटिसी कुवेत कम्पनीमा कार्यरत रहेका बताइएको छ । उनीसंगै अर्का एक नेपालीको पनि निधन भएको अपुष्ट जानकारी प्राप्त भएको छ ।
छोराको निधन पछि कार्की परिवारले शवलाई छिटो नेपाल ल्याउने र मृत्युको सत्य तथ्य पत्ता लगाई दिन सरकारसंग माग गरेका छन् ।
