एकैदिन बुधबार नेपालका विभिन्न तीन ठाउँमा भूकम्प गएको छ । आज साँझ बझाङको मास्देभ केन्द्रविन्दु भएर ४ दशमलव २ म्याग्निच्युडको भूकम्प गएको छ । यसअघि कास्कीको अन्नपूर्ण केन्द्रविन्दु भएर १२ बजेर ५० मिनेटमा ४ दशमलव १ म्याग्निच्युडको भूकम्प गएको थियो ।
त्यस्तै विहान ११ बजेर ५६ मिनेटमा कास्कीकै फुङलिङवाङ केन्द्रविन्दु भएर ४ दशमलव ४ म्याग्निच्युडको भूकम्प गएको थियो । यसरी आज नेपालका तीन ठाउँमा भूकम्प गएको भूकम्प मापन केन्द्रले जनाएको छ ।
