झापा । झापाको हल्दीबारी–३ सिकारीबारी (सुकुम्बासी टोल) मा बसोबास गर्ने अति बिपन्नहरूलाई समाजसेबी भगवानदास र्सिहको जन्मोत्सबको अवसरमा न्यानो कपडा कम्बल वितरण गरिएको छ।
श्रीहरि सत्संग बितामोड चेप्टरका अध्यक्ष उमेश डालमियाको अध्यक्षता एवम श्रीहरी सत्सङ्ग बितामोड चेप्टरका संरक्षक भगवानदास सिंहको सहयोगमा श्रीहरी सत्सङ्ग समितिको आयोजनामा ४७ परिवारलाई १ थानका दरले कम्बल वितरण गरिएको हो।
कार्यक्रममा समितिका सचिब बाबुलाल अग्रवाल, समितिका सदस्य बावुलाल वंशल, अभिशेक अग्रवाल, इशिका अग्रवाल, अभीर अग्रवाल, संस्थाका राष्ट्रिय उपाध्यक्ष सोमनाथ सुवेदी,आचार्य पण्डीत अर्जुन भट्टराई, समाजसेवी भानु ढकाल, ईश्वरा तिबारी, टोलका अगुवा लखिराम किस्कु लगायतको उपस्थिति रहेको थियो ।
सिंहले बिगत ४ वर्ष देखि निरन्तर जन्म दिनको अबसरमा गाउँ घरमा गएर गरिब गुरूवाको सेवा गर्न पाउँदा जीवन सफल हुन्छ भन्ने सोच रहेको बताएका छन् । गरिब गुरूवाको केहि सेवा गर्न पाउँदा उनीहरूको मुहारमा देखिएको खुसीले नै उपलब्धि भएको उनले बताए । साथै उनले यो संस्कार र संस्कृति छोरा नातिले पनि सिकुन भन्ने चाहाना रहेको बताएका छन् । सिंह परिवारसहित उपस्थित भई कम्बल वितरण गरेका थिए।
