साङ्केतिक तस्वीर
झापा । मेचीनगरको गोठमा आगलागी हुँदा २ लाख ३० हजार रुपैयाँ बराबरको क्षति भएको छ । मेचीनगर–८ सुन्दर टोलको केशवप्रसाद तिम्सिनाको टिनको छानो भएको गाई गोठमा खोले पकाउने क्रममा बिहीबार राती आगलागी भएको थियो ।
आगलागी भएको खबर पाउन साथ इलाका प्रहरी कार्यालय नकलबन्दा प्रहरीको टोली घटनास्थल पुगेको थियो । प्रहरी, स्थानियबासी र मेचीनगर नगरपालिकाको दमकलको सहयोगमा आगलागी पूर्ण रुपमा नियन्त्रणमा आएको जिल्ला प्रहरी कार्यालय झापाले जनाएको छ ।
आगलागीबाट गाई गोठमा बाँधेको एउटा बहरको मृत्यु भएको छ । त्यस्तै एउटा बहर, दुई वटा गाई आगोले जलेर घाइते भएको, गोठमा रहेको काठ पात र गोठ आंशिक रुपमा क्षति हुँदा २ लाख ३० हजार रुपैयाँ बराबरको क्षति भएको प्रहरीले जनाएको छ ।
