झापा । यही वर्ष प्रेम विवाह
गरेकी झापाकी एक बालिकाले गए राति छोरी जन्माएकी छन् । झापाको अर्जुनधारा नगरपालिका–३ स्थित अमलडाँगीकी ज्योति दर्जीले १३
वर्षको उमेरमै सन्तानलाई जन्म दिएकी हुन् ।
उनी गए राति १०ः१४ मा खुदुनाबारी स्वास्थ्या चौकी भर्ना भएकी थिइन् । वि.सं.२०६६
साल चैतमा जन्मिएकी ज्योतिले २ केजी २ सय ग्रामको छोरीलाई जन्म दिएको
स्वास्थ्य चौकी खुदुनाबारीका प्रमुख डम्बर बल्लभ मिश्रले जानकारी दिए ।
बच्चा र आमाको स्वास्थ्य अवस्था राम्रो भएकाले डिस्चार्ज समेत गरिसकेको मिश्रले बताए । ज्योतिका पति १८ वर्षीया किशल लाम्गादे भने स्थानीय क्रसर उद्योगमा काम गर्दै आएको बताइएको छ । ज्योतिसहित खुदुनाबारी स्वास्थ्य चौकीमा यसै आर्थिक वर्षमा मात्र १६ जनाले बच्चा जन्माएको प्रमुख मिश्रले जानकारी दिए । कानुनले बाल विवाहलाई बर्जित गरे पनि अज्ञानका कारण नेपालमा बाल विवाह रोकिएको छैन ।
