झापा / झापाको भद्रपुर ३ स्थित किचकवध क्षेत्रमा रहेको मातातीर्थ तथा विष्णु पादुका मन्दिरद्वारा आयोजित श्रीमद्भागवत सप्ताह ज्ञान महायज्ञको आय–व्यय सार्वजनिक गरिएको छ ।
मन्दिर व्यवस्थापन समितिले शनिबार
आयोजित पत्रकार सम्मेलनमार्फत महायज्ञबाट भएको आम्दानी तथा खर्च विवरण सार्वजनिक
गरेको हो ।
कार्यक्रममा महायज्ञबाट कुल १४
लाख ६४ हजार ७ सय १० रुपैयाँ आम्दानी भएको थियो भने ५ लाख ६ हजार ५ सय रुपैयाँ
खर्च भएको जनाइएको छ । खर्च कटाएर ९ लाख ५८ हजार २ सय १० रुपैयाँ बचत भएको आयोजकले
जनाएको छ ।
वैशाख ६ गतेदेखि १३ गतेसम्म सञ्चालन
गरिएको महायज्ञमा स्थानीय भक्तजन तथा देश विदेशका विभिन्न स्थानबाट श्रद्धालु भक्तजनले
तन मन वचन तथा धनले सहयोग गरेकोमा सम्पूर्ण दाताहरुलाई धन्यबाद समेत ज्ञापन गरिएको
थियो ।
महायज्ञको आय–व्यय विवरण पण्डित उत्तम नेपालले सार्वजनिक गरेका थियो भने मन्दिरका अध्यक्ष हेमप्रसाद खनाल र वरिष्ठ उपाध्यक्ष चन्द्रप्रसाद फुयालले शुभकामना मन्तव्य राखेका थिए । कार्यक्रमको सञ्चालन सचिव काशिनाथ घिमिरेले गरेका थिए ।
