झापा । झापाकाे चन्द्रगढी स्थित लेखनाथ पुस्तकालयले साहित्यकार प्राज्ञ स्वर्गीय दधिराज सुवेदीकाे श्रद्धाञ्जली सभा सम्पन्न गरेको छ ।
समितिका सभापति कृष्ण सुवेदी 'निराकार' काे अध्यक्षतामा सम्पन्न उक्त कार्यक्रममा स्वर्गीय सुवेदीकाे तस्बिरमा पुष्पार्पण र माैनधारण गर्दै कार्यक्रम सुरु गरिएको थियाे । कार्यक्रममा व्यक्तित्व र कृतित्वमाथि प्राध्यापक हाेम सुवेदीले चर्चा गरेका थिए भने अन्य वक्ताहरुमा हिरा पाेखरेल, नीलमणि नेपाल, तीर्थ चापागाईं, गाेविन्द काेईराला लगागतले शाेक मन्तव्य राखेका थिए ।
साेही कार्यक्रममा हालै निधन भएका पुस्तकालयका संरक्षक सदस्य विनाेद पाेखरेल तथा साहित्यकार परशु प्रधानको पनि याेगदानकाे चर्चा गरिएको थियोे । पुस्तकालयका सचिव हरिकिशाेर आचार्यले सञ्चालन गरेकाे कार्यक्रममा देवीचरण भण्डारी, गीता भण्डारी, नवराज घिमिरे, विरही अधिकारी, हरि न्याैपाने, अनिरुद्ध सिटौला, आरती पाेखरेल, उषा गुरुङ, खगेश्वर काेइराला, राजेन्द्र कश्यप अधिकारी, जयन्ती मानी, निर्मला दङ्गाल, चन्द्रमणि पाैडेल, जनार्दन उप्रेती, हरि भुजेल लगायतकाे उपस्थिति थियोे ।
