झापा / झापाकाे मेचीनगरबाट लागूओैषधसहित एकजनालाई प्रहरीले पक्राउ गरेकाे छ । शनिबार साझ ५ बजेकाे समयमा मेचीनगर नगरपालिका ६ पुरानो मेचीपुल स्थितमा लागूऔषध नियन्त्रण व्यूरो काँकडभिट्टाबाट खटिएको प्रहरी टोलिले भारतको पानीट्याङ्कीबाट पैदल नेपाल तर्फ आउदै गरेको झापा कनकाई नगरपालिका ६ बस्ने बर्ष ३४ को बिक्रम हस्दालाई शंका लागी शरीर तलासी लिँदा मलद्धारमा प्लाष्टिक सहित ६ (छ) ग्राम ७४० (सातसय चालिस) मिलिग्राम, प्लाष्टिक बाहेक ५ (पाँच) ग्राम ६०० (छ सय) मिलिग्राम लागू औषध (खैरो हेरोइन) जस्तो देखिने पदार्थ फेला परेको जिल्ला प्रहरी कार्यालय झापाले जनाएको छ । हस्दालाई नियन्त्रणमा लिई आवश्यक कारवाहीको लागी इलाका प्रहरी कार्यालय काँकडभिट्टामा राखी अनुसन्धान कार्य भई रहेको जिल्लाका डिएसपी कृष्णकुमार चन्दले जानकारी दिए ।
