गएराति भुटानमा भूकम्प जाँदा पूर्वी नेपालमा पनि धक्का महसुस गरिएको छ।
अमेरिकी भूगर्भ सर्वेक्षण (यूएसजीएस) का अनुसार गएराति ११ः३६ बजे (स्थानीय समय) भुटानको पुनाखा जिल्लाबाट ५ किलोमिटर टाढा केन्द्रबिन्दु भएर ५.३ म्याग्निच्युडको भूकम्प गएको हो।
जसको धक्का पूर्वी नेपालसहित भारत, बंगलादेश र चीनका केही भागमा पनि महसुस गरिएको हो।
हालसम्म कुनै मानवीय क्षति वा ठूलो भौतिक क्षतिको आधिकारिक विवरण प्राप्त भएको छैन।
उता आज बिहान फिलिपिन्समा ८.२ रेक्टर स्केलको शक्तिशाली भूकम्प गएको छ। रिपोर्टका अनुसार फिलिपिन्सको मिन्डानाओ टापुमा भूकम्प गएको हो ।त्यसपछि, फिलिपिन्स र इन्डोनेसियाका केही भागहरूमा सुनामी आउन सक्ने चेतावनी दिइएको छ । तटीय क्षेत्रमा बस्नेहरुलाई ठाउँ खाली गर्न आग्रह गरिएको छ ।
