झापा / जेसीज सप्ताह अन्तर्गत प्रेस क्लव भद्रपुर र भद्रपुर जेसीज विच भएकाे मैत्रीपूर्ण फुटबल खेलमा ५ गाेलकासाथ प्रेस क्लव भद्रपुर विजयी भएकाे छ ।
झापाकाे मेची रङ्गशाला भद्रपुरमा आइतबार विहान ९ बजे सुरु भएकाे खेलमा क्लवका तर्फबाट ५ गाेल गरेर क्लव विजयी भएकाे हाे।
खेलकाे केहि समयपछि जेसीजकाे तर्फबाट माइकल तामाङ १ गाेल गरेका थिए भने खेलकाे ७ मिनेट पछाडि क्लवका खेलाडीबाट हेण्ड भएपछि पेनाल्टी पाएर खगेन्द्र पाण्डेले पुनः अर्काे गाेल गर्दै जेसीजलाई २ गाेलकाे अग्रता दिलाएका थिए ।
२ गाेल खाएकाे क्लवले निकै दवाव सहेर खेलकाे १७ औं मिनेेटमा क्लवका उपाध्यक्ष राेहित काफ्लेले पहिलाे गाेल गर्दै खेललाई राेचक बनाएका थिए ।
हापटाइम पछि खेलकाे २४ औं मिनेटमा जेसिजका खेलाडीले बल हेण्ड गरेपछि पेनाल्टी पाएर क्लवलाई राेजल पाठकले पुनः १ गाेल गर्दै खेललाई बराबरमा ल्याएका थिए । खेल झन राेचक बन्दै गएकाे थियाे । खेलकाे २५ औं मिनेटमा पुनः पेनाल्टी पाएकाे क्लवले राेजल पाठककाे पेनाल्टी सुटआउटबाट १ गाेल थप्दै क्लवले खेललाई आफ्नाे पक्षमा पारेकाे थियाे । लगातार दवाव सहदै गरेकाे जेसीजले खेलकाे ३१ औं मिनेटमा सुशान्त नेपालले हानेकाे प्रहारले थप एक गाेल गर्दै २- ४ काे अन्तरमा पुगेकाे थियाे । खेलकाे ३९ औं मिनेटमा पुनः सुशान्त नेपालले १ गाेल गर्दै क्लवले ५ गाेल गर्न सफल भएकाे थियाे ।
जम्मा ४० मिनेटकाे समयावधी ताेकिएकाे खेलमा अतिरिक्त ५ मिनेटकाे समय थप गरिएकाे थियाे । खेलकाे म्यान अफ दि म्याच क्लवका गाेलकिपर इश्वर अधिकारी भएका थिए ।
