झापा / यू–२० साफ महिला फुटबल च्याम्पियनसिप अन्तर्गत नेपाल आज श्रीलंकाविरुद्ध खेल्दैछ ।
बंगलादेशको ढाकास्थित बसुन्धारा किंग्स एरिनामा खेल नेपाली समय अनुसार साँझ पौने ७ बजे नेपाल र श्रीलंका आमनेसामने हुनेछन्।
नेपालले दुई खेलमा एक जित र एक हार बेहोरेको छ । नेपालले पहिलो खेलमा भुटानलाई ६–१ गोल अन्तरले पराजित गरेको थियो भने दोस्रो खेलमा बंगलादेशसँग ३–२ गोल अन्तरले पराजित भएको थियो।
श्रीलंकाले भने आफ्ना सुरुका दुवै खेलमा हार बेहोरेको छ । श्रीलंका पहिलो खेलमा बंगलादेशसँग ९–१ गोल अन्तरले पराजित भएको थियो भने दोस्रो खेलमा भुटानसँग ५–० गोल अन्तरले पराजित भएको थियो।
नेपालसहित बंगलादेश, श्रीलंका र भुटानले भाग लिइरहेको यो प्रतियोगिता जुलाई २२ सम्म चल्ने छ ।
डबल राउण्ड रोबिनका आधारमा खेलाइएको यो प्रतियोगितामा हरेक देशले एक अर्काविरुद्ध २–२ पटक खेल्नेछन् । शिर्ष स्थानमा रहने देश विजेता हुनेछ ।
नेपालले श्रीलंकापछि जुलाई १९ मा भुटानविरुद्ध र जुलाई २१ मा बंगलादेशविरुद्ध खेल्ने तालिका छ ।
