झापा / झापाकाे विर्तामाेड नगरपालिका वडा नं. ७ मा जंगली हात्तीले आक्रमण गर्दा एक जनाकाे घटनास्थलमै मृत्यु भएकाे छ ।
आज बिहानको राति ३ बजेतिर जंगली हात्तीको आक्रमणबाट बिर्तामोड ७ फक्तालुङ्ग निवासी ५९ वर्षीय लोकप्रसाद लिम्बूको मृत्यु भएको प्रहरीले जानकारी दिएकाे छ ।
आफ्नै घरमा रहेका लिम्बू शौचालय जाने क्रममा हात्तीसँग जम्काभेट भई आक्रमण गरेको स्थानीयवासीहरुले बताएका छन् ।अचानक एउटा जंगली हात्तीले किचेर लिम्बूको घटनास्थलमा नै मृत्यु भएको र सो हात्ती दक्षिण दिशातर्फ भागेको प्रहरीले जनाएको छ ।
जिल्ला प्रहरी कार्यालय झापाका अनुसार अनुसन्धान र आवश्यक कानुनी प्रकृयाका लागि इलाका प्रहरी कार्यलय अनारमुनीबाट टाेली खटिएर घटनास्थल गएकाे र कानुनी प्रकृया पुरा गरि शवलाई पाेस्टमार्टमका लागि प्रादेशिक अस्पताल भद्रपुर पठाएकाे जानकारी दिएकाे छ ।
यसअघि गत असार ६ गते जंगली हात्तीको आक्रमणबाट मेचीनगरका पूर्णबहादुर श्रेष्ठको मृत्यु भएको थियो ।योसंगै यस आर्थिक वर्षमा हात्तीको आक्रमणमा परी झापामा ६ जनाको ज्यान गइसकेको छ ।
