झापा । राष्ट्रसेवक बचत तथा ऋण सहकारी संस्था लिमीटेड भद्रपुर–१० चन्द्रगढीको २५ औं वार्षिक साधारण सभा सम्पन्न भएको छ । संस्थाका अध्यक्ष वशिष्ठ अधिकारीको सभापतित्व तथा नेपाल निजामती कर्मचारी सङ्गठनका केन्द्रीय अध्यक्ष लेखनाथ कोइरालाको प्रमुख आतिथ्यमा शनिबार चन्द्रगढीमा सम्पन्न भएको हो ।
अध्यक्ष अधिकारीले संस्थाको वार्षिक प्रतिवेदन प्रस्तुत् गरेका थिए । उनले १ करोड ७१ लाख ७८ हजार शेयर पूजीँ तथा ८ सय ८ जना शेयर धनीसहितको विवरण पेश गरेका थिए ।
समितिका सहसचिव सीता गुराँगाईले स्वागत गरेको कार्यक्रममा प्रमुख अतिथि कोइराला ,नेपाल निजामती कर्मचारी सङ्गठन कोशीका अध्यक्ष काशीनाथ पराजुली, नेपाल निजामती कर्मचारी सङ्गठन झापाका अध्यक्ष केदार पोखरेल , नेपाल निजामती कर्मचारी सङ्गठन कोशीका इन्चार्ज लक्ष्मीप्रसाद गुराँगाई, ज्ञानोदय शिक्षक वचत तथा ऋण सहकारीका अध्यक्ष गोपीकृष्ण न्यौपाने लगायतले मन्तव्य राखेका थिए ।
कार्यक्रममा रमाइलो चिठठा खेलमा विजेताहरुलाइ पुरस्कृत तथा सम्मान गरिएको थियो । संस्थाका सचिव नवराज पोखरेलले कार्यक्रमको सञ्चालन गरेका थिए ।
