झापा / नेपाली कांग्रेसका नेता तथा पूर्व उर्जा मन्त्री दिपक खड्काकाे कम्पनीले भाेग चलन गर्दै आएकाे नेपाल स्काउटको लैनचौरस्थित जग्गामा महानगरले डाेजर चलाएकाे छ ।
युवा तथा खेलकुद मन्त्रालय अन्तर्गतको नेपाल स्काउट राष्ट्रिय प्रधान कार्यालयले उक्त जग्गामा बनाइएका संरचनाको बहाल बक्यौता तिर्न ७ दिने अल्टिमेटसहितको सूचना निकालेको थियो तर सूचनाकाे अनुसार कम्पनीले कुनै कदम नचालेपछि महानगरका प्रहरीले डाेजर लगेर त्याहाँ बनाइएका संरचनाहरु भत्काएकाे हाे ।
स्काउटले २०६५ सालमा भाडा लिनेगरि दिएको ३ रोपनी जग्गामा खड्का ल्याण्डले लैनचौर ब्याङ्क्वेट खोलेको थियाे । त्यस्तै, माई च्वाइस नामक रेस्टुरेन्टको संरचना पनि बनाइएको छ । ती सबै संरचनामा महानगरकाे डाेजरले भत्काएकाे छ ।
