झापा जिल्लाको भद्रपुर नगरपालिका–१० चन्द्रगढस्थित जंगलमा ८ दिनदेखि बेपत्ता रहेका एक वृद्धको शव झुण्डिएको अवस्थामा फेला परेको छ। मृतक ७२ वर्षीय उत्तम लामा आज दिउँसो सडिसकेको अवस्थामा भेटिएका हुन्।
आज दिउँसो करिब २:३० बजे स्थानीय बासिन्दाहरूले जंगलभित्र रुखमा झुण्डिएको अवस्थामा शव देखेपछि प्रहरीलाई खबर गरेका थिए। दुर्गन्ध आउन थालेपछि उनीहरूको ध्यान शवतर्फ गएको थियो।
घटनास्थलमा जिल्ला प्रहरी कार्यालय झापाबाट टोली पुगेर मुचुल्का उठाउने काम सम्पन्न गरेको र घटनाबारे प्रारम्भिक अनुसन्धान सुरु गरिएको जनाइएको छ।
मृतक लामा आठ दिनअघि घरबाट निस्किएपछि सम्पर्कविहीन थिए। परिवारले खोजी गर्दा नभेटिएपछि प्रहरीमा बेपत्ता सम्बन्धी निवेदन दिइएको थियो।
प्रहरीका अनुसार घटनाको विस्तृत अनुसन्धान भइरहेको छ।
