झापा । भारतबाट अवैध रुपमा भन्सार छलेर नेपाल भित्र्याउँदै गरेको अनुमानित ८ लाख रूपैयाँ मूल्य बराबरकाे कपडा सशस्त्र प्रहरीले बरामद गरेकाे छ ।
सशस्त्र प्रहरी बल नेपाल
नम्बर २ गण हेडक्वाटर झापाबाट खटिएको प्रहरी निरीक्षक दिवस
न्यौपानेको टोलीले झापाको मेचीनगर नगरपालिका- ६ तुर्केनी सीमा इलाकाबाट गएराति ११
बजेको समयमा ८ लाख ४६ हजार ८ सय ५० बराबरको अवैध कपडा बरामद गरेको सशस्त्र
प्रहरी बल नेपाल नम्बर २ गण झापाका डीएसपी सुमन पोखरेलले जानकारी दिए । भारतबाट अवैध रुपमा भन्सार छलेर कपडा नेपाल भित्र्याउँदै गरेको
विशेष सूचनाको आधारमा सशस्त्रको टोलीले टिनले छाएको कच्ची गोदाममा
लुकाइछिपाई राखेको अवस्थामा उक्त कपडा बरामद गरेको डिएसपी पाेखरेलले जनाए ।
बरामद गरिएको कपडालाई आवश्यक कारबाहीका लागि भद्रपुर भन्सार कार्यालय पठाउने तयारी भइरहेको डीएसपी पोखरेलको भनाई छ ।
सशस्त्रले चालु आर्थिक वर्षको साउनदेखि भदौ २५ गते सम्ममा झापाका विभन्न स्थानबाट २ करोड ४३ लाख ६६ हजार ४१ रुपैयाँ बराबरको अवैध समान बरामद गरिसकेको जनाएको छ ।
कार्यालयकाे तथ्याकं अनुसार साउनमा १ करोड २९ लाख २६ हजार ४३ रुपैयाँ र भदौ २५ गते सम्ममा १ करोड १४
लाख ३९ हजार ९ सय ९८ रुपैयाँ बराबरको सामान बरामद गरिएको उल्लेख छ ।
