झापा ।
मेचीनगरको कालिका सिमसारमा ४३ जना लागूऔषध खरिद कर्ता पक्राउ परेका छन् । हिजो साँझ अन्दाजी ६ बजे मेचीनगर नगरपालिका वडा न.११ कालिका सामुदायिक
वनमा इलाका प्रहरी कार्यालय धुलाबारीबाट प्रहरी निरीक्षक पाण्डवकुमार
राजवंशी , प्रहरी चौकी चारआलीबाट प्रहरी नायव निरीक्षक प्रमोद रेग्मी,
जिल्ला प्रहरी कार्यालय झापाबाट प्रहरी निरीक्षक बिजय चौहान र लागूऔषध
नियन्त्रण ब्युरो काँकरभिट्टाबाट प्रहरी नायव निरीक्षक कुमार सोमेश
लामिछानेको कमाण्डमा खटिएको स्वीप अपरेशन टोलीले बिभिन्न स्थान बस्ने ४३
जना लागूऔषध सेवनकर्तालाई पक्राउ गरेको पाइएकाे छ । बिक्री गर्ने भने फ्रार रहेका छन् ।
पक्राउ पर्नेहरु सबै पुरुष
हुन् । उनीहरु अन्दाजी १५ वर्षदेखि ४० वर्ष उमेर समूहका छन् । लागूऔषध
कारोबारीहरु लागूऔषध बेच्न आएपछि उनीहरु किन्न भेला भएका थिए । पक्राउ
पर्नेहरु लागूऔषध सेवनकर्ताहरु हुन् । का
पक्राउ परेका ४३ जनालाई आवश्यक कारबाहीको लागि जिल्ला प्रहरी कार्यालय झापामा राखिएकाे छ । उनीहरुको साथबाट लागूऔषध बरामद भएको छ । त्यसको परिमाण खुलेको छैन । त्यस्तै १४ वटा मोटरसाइकल , एउटा अटो र एउटा मारुती भ्यान बरामद भएको प्रहरी स्रोतले जनाएको छ ।
