साङ्केतिक तस्वीर
झापा । कर्मचारी राखेर अनलाईन जुवा (सट्टेबाजी) खेलाइरहेकाे अवस्थामा झापाको कन्काईबाट आमा छोरी पक्राउ परेका छन् ।
पक्राउ पर्नेमा कन्काई ८ लक्ष्मीपुर बस्ने ४१ वर्षीया इन्दिरा प्रसाई र उनकी छोरी २१ वर्षीया सिम्रन प्रसाई रहेकाे जिल्ला प्रहरी कार्यालय झापाले जनाएकाे छ ।
गएराति अन्दाजी २ः३० बजे कन्काई नगरपालिका वडा नम्बर ८ लक्ष्मीपुरमा अनलाईन सट्टेबाजी (अनलाईन जुवा) खेलि/खेलाइरहेको भन्ने बिशेष सूचनाको आधारमा इलाका प्रहरी कार्यालय बिर्तामोडको टोलीले छापा मारेको थियाे ।
उनीहरुको साथबाट ५ थान
मोबाइल,२ थान ट्याब र एउटा ल्यापटप बरामद भएको प्रहरीले जनाएकाे छ । उनीहरुलाई नियन्त्रणमा लिई इलाका
प्रहरी कार्यालय बिर्तामोडमा राखिएको छ । उनीहरुमाथि थप अनुसन्धान भइरहेको र म्याद थप भइसकेपछि सार्वजनिक गरिने प्रहरीले जनाएकाे छ ।
