झापा । अवैध सामानसहित सिटी रिक्सा र दुइजना मानिस प्रहरीले नियन्त्रणमा लिएकाे छ । इलाका प्रहरी कार्यालय काँकडभिट्टा र सशस्त्र प्रहरी बल नेपाल प्रस्तावित सीमा सुरक्षा गुल्म काँकडभिट्टा झापाबाट खटिएकाे संयुक्त प्रहरी टाेलीले मेचीनगर ६ बसपार्क हुदै भारतबाट नेपाल तर्फ अवैध रूपमा भन्सार छलि प्र-१-०१-००२ ह१४४ नम्बरकाे सीटी सफारीमा लुकाइ छिपाइ ल्याइएकाे धाराका विभन्न सामान बरामद गरिएकाे जिल्ला प्रहरी कार्यालय झापाले जनाएकाे छ ।
चेकजाँचमा अन्दाजी ३ लाख १ हजार मूल्य बराबरकाे सामान र दुइवटा सीटी सफारीकाे अन्दाजी १ लाख ८० हजारसमेत गरी अन्दाजी ४ लाख ८१ हजार मूल्य बराबरकाे सामान मेची भन्सार कार्यालय काँकडभिट्टा बुझाइएकाे जिल्लाका डिएसपी कृष्ण कुमार चन्दले जानकारी दिए ।
प्रहरीले सीटी चालक मेचीनगर ७ का ३० बर्षीय प्रदिप श्रेष्ठ र सामान धनी बिर्तामाेड ५ बस्ने बर्ष ४० की गिता ढकाललाइ नियन्त्रणमा लिइ आवश्यक कारबाहीका लागि मेची भन्सार कार्यालय बुझाइएकाे उनले जनाए ।
