झापा / झापाकाे भद्रपुरमा सडककाे नाला बनाउने क्रममा घरकाे पर्खालले थिच्दा एक जना मजदुरकाे मृत्यु भएकाे छ ।
यसरी मृत्यु हुनेमा झापाकाे विर्तामाेड नगरपालिका वडा नं. ९ बस्ने ३५ वर्षीय लक्ष्मण कामती रहेकाे प्रहरीले जानकारी दिएकाे छ ।
भद्रपुर नगरपालिका-६ राधाकृष्ण टोल स्थित सघन सहरी भवन निर्माण बिभागले लगाएकाे ठेक्कामा नालाको काम गर्ने क्रममा ईन्द्र राउतको घरको कम्पाउण्डमा लगाएको पर्खाल ढलेर यज्ञ निर्माण एण्ड सप्लायर्स प्रा.लि. ले नालाको काम गर्न खटाएको कामदार कामतीलाई थिचेकाे थियाे ।
गम्भिर घाईते भएका कामतीलाई उपचारको लागि प्रादेशिक अस्पताल भद्रपुर पठाएकोमा साँझ ५ बजे उपचारको क्रममा डाक्टरद्धारा मृत घोषणा गरेको तत्काल लाश सोहि अस्पतालमा राखिएकाे छ भने थप आवश्यक कानुनी प्रकृया तथा अनुसंधान भैरहेको जिल्ला प्रहरी कार्यालय झापाले जानकारी दिएकाे छ ।
