झापा । नेपाल निजामती कर्मचारी सङ्गठन एवम राष्ट्रसेवक बचत तथा ऋण सहकारी संस्था लिमिटेड भद्रपुर झापाले तीजको अवसर पारेर महिला विशेष शुभकामना आदानप्रदान गरेको छ ।
झापाको भद्रपुर १० स्थित सङ्गठनको भवनमा शुक्रबार अपरान्ह् भद्रपुर नगरपालिका क्षेत्र लगायतका महिलाहरूलाई विभिन्न परिकार बनाएर दर खुवाउदै शुभकामना आदानप्रदान गरिएको हो ।
जिल्ला समन्वय समिति झापाकी उपप्रमुख शान्ता रोकाको प्रमुख आतिथ्यमा भएको कार्यक्रममा पूर्व प्रशासकीय अधिकृत गीता राई, भद्रपुर नगरपालिका उपप्रमुख राधा कार्कीले शुभकामना मन्तव्य राखेको थिए ।
कार्यक्रमको अवसर पारेर राष्ट्रसेवक बचत तथा ऋण सहकारी संस्था लिमिटेडले वार्षिक कार्यनीति अनुसार महिला विशेष बचत खातामा रकम जम्मा गर्ने महिलाहरूमध्ये १४ जनालाई विशेष पुरस्कार वितरण गरिएको थियो ।
कार्यक्रममा साङ्गीतिक नृत्यसहित कुर्सी छक्याउने खेल पनि खेलाइएको थियो ।
जसमा प्रथम निरुता पोखरेल,द्वितीयमा जीना कटवाल, तृतीय शकुन्तला पोखरेल र सान्त्वना माया पोखरेललाई नगद पुरस्कार वितरण गरिएको थियो ।
प्रमुख अतिथि रोक्काले आफ्ना बालबच्चाहरूलाई सही संस्कार बाबुआमाले नै दिनुपर्ने जोड दिँदै अहिले भइरहेको तीजको विकृतिप्रति चिन्ता व्यक्त गरेकी थिइन् ।
सङ्गठन झापाकी उपाध्यक्ष तथा तीज मिलन कार्यक्रमकी संयोजक चन्द्रा पोखरेल गौतमको अध्यक्षतामा भएको कार्यक्रमको सञ्चालन सङ्गठनकी सदस्य जीवनकला राउतले गरेकी थिइन् ।
