झापा / हाल नेपाल प्रहरीमा धेरै जनशक्तिकाे अभाव भएकाे छ । आईतवार प्रहरी मुख्यालयमा आयोजित पत्रकार सम्मेलनका क्रममा हाल ४ हजार ७ सय ३५ जनशक्ति खालि रहेको जानकारी गराइएको हो ।
पत्रकार सम्मेलनमा बोल्दै प्रहरी प्रवक्ता प्रहरी नायव महानिरीक्षक विनोद घिमिरेले नेपाल प्रहरीको कुल दरबन्दी ७९ हजार ५ सय ४१ रहेको र अहिले ५.९५ प्रतिशत जनशक्ति रिक्त रहेको बताएका छन् ।
आजकाे मितिमा ७४ हजार ८ सय ६ रहेको छ। सिनियर अफिसरहरुको जनशक्ति २.८४ प्रतिशत रहेको र प्रहरी वरिष्ठ नायव निरीक्षक, प्रहरी नायव निरीक्षक, प्रहरी सहायक निरीक्षकको कुल जनशक्तिमध्ये १५.३५ प्रतिशत रहेको बताउनु भयो ।
उनका अनुसार तल्लो आधारभुत प्रहरी वरिष्ठ हवल्दारदेखि प्रहरी कार्यालय सहयोगीसम्म ८१.८१ प्रतिशत जनशक्ति रहेको छ ।
