झापा । कल्भर्टमा लडेर भद्रपुरमा एकजनाकाे ज्यान गएकाे छ । ज्यान जानेमा भद्रपुर १० का अन्दाजी ६० वर्पीय निगे राई रहेकाे जिल्ला प्रहरी कार्यालय झापाले जनाएकाे छ ।
राई भद्रपुर ९ डाँगीबारी स्थित भित्रि सडक खण्डमा रहेकाे कल्भर्टबाट अन्दाजी ८/१० फिट तल लडेर घाेप्टाे परेकाे अवस्थामा मृत फेला परेकाे प्रहरीले जनाएकाे छ ।
मृतक राई मङ्गलबार विहान ८ बजेतिर घरबाट हिडेकाे प्रहरीले जनाएकाे छ । उनी पहिले देखिनै मादक पदार्थ सेवन गर्दै हिड्ने गरेकाे प्रहरीकाे भनाइ छ । कानुनी प्रकृया पूरा गरि शवलाइ पाेष्टमार्टमका लागि प्रादेशिक अस्पताल भद्रपुर पठाइएकाे प्रहरीकाे भनाइ छ ।
