झापा । जिल्ला प्रहरी कार्यालय डोटीले नक्कली डाक्टरसहित दुई जनालाई पक्राउ गरेको छ ।
पक्राउ पर्नेमा डोटीको राजपुरमा स्वास्थ्य शिविर सञ्चालन गरी बस्दै आएका महाकाली नगरपालिका–४ दाका ४४ वर्षीय भूपेन्द्रबहादुर क्षेत्री र साेहि नगरपालिका–१८ का ४६ वर्षीय पुष्कर गुनीयाल रहेकाे जिल्ला प्रहरी कार्यालय डाेटीले जानकारी दिएकाे छ । प्रहरीका अनुसार उनीहरूको कागजपत्र हेर्दा शङ्का लागेपछि नेपाल मेडिकल काउन्सिल काठमाडौं पठाउँदा डाक्टर भनिएका भूपेन्द्रबहादुर क्षेत्रीको प्रमाणपत्र दर्ता नभएको पाइएपछि बुधबार दुवै जनाविरूद्ध इजलाजसम्बन्धी कसुरमा मुद्दा दर्ता गरिएको छ । प्रहरी नायब उपरीक्षक भीमलाल भट्टराईले दुवै जनाविरूद्ध मुद्दा दर्ता भई जिल्ला अदालत डोटीबाट पाँच दिनको म्याद थप भई अनुसन्धान भइरहेको जानकारी दिनुभयो ।
