सशस्त्र प्रहरीद्धारा नाै थान आइफोन मोवाइलसहित भारतीय नागरिक पक्राउ

झापा । सशस्त्र प्रहरीले ९वटा आइफोन मोवाइलसहित एक जनालाई पक्राउ गरेको छ ।

पक्राउ पर्नेमा भारत किसनगंज १ जानकी चौक बस्ने अन्दाजी २८वर्षीय इस्त्राफिल रहेका छन ।
 झापा गाउँपालिका ४ सुकुम्वासी टोलस्थित सीमा क्षेत्रमा सशस्त्र प्रहरी बल, नेपाल बि.ओ.पी. पन्थापाडाबाट खटिएको पैदल गस्ती टोलीले भारतबाट नेपालतर्फ आउँदै गरेको BR37Z8101 नम्बरको भारतीय मोटरसाइकललाई शंका लागेर चेकजाँच गर्ने क्रममा चालक इस्त्राफिलको साथबाट अन्दाजी मूल्य रु ९ लाख रुपैयाँ पर्ने ९ थान सेकेन्ड हेण्ड आइफोन मोबाइल फेला पारेको हो ।

मोटरसाइकल र बरामद सामानसहित इस्त्राफिललाई भन्सार कार्यालय बुझाउने तयारी भइरहेको सशस्त्र प्रहरी बल, नेपाल नं २ गण हेडक्वाटर झापाका सूचना अधिकारी सशस्त्र प्रहरी नायव उपरीक्षक महेशराज बिष्टले जानकारी दिए ।