झापा । भद्रपुरका युवा प्रभात
भण्डारीको नेतृत्वमा मेची नगर १३ चारआलीमा इम्पेरर एजुकेशन नेटवर्क
सञ्चालन सुरू गरिएकाे छ । उच्च शिक्षाका लागि बाहिरी
गन्तव्यको खोजी गर्ने विद्यार्थीलाई सहजीकरण गर्ने उदेश्यले नेटवर्क सञ्चालनमा ल्याइएकाे हाे ।
इम्पेरर एजुकेशन नेटवर्क प्रा. लि. काठमाण्डौंका केन्द्रीय प्रतिनिधि सुमन अधिकारीको अध्यक्षता तथा मेचीनगर १३ का वडाध्यक्ष कृष्ण सिग्देलको प्रमुख आतिथ्यमा आइतबार चारआलीमा इम्पेरर एजुकेशन नेटवर्क प्रा. लि. को उद्घाटन गरिएको छ ।
इम्पेरर एजुकेशन नेटवर्क चारआली शाखाका प्रमुख प्रभात भण्डारीले शाखा सञ्चालनको औचित्यमाथि प्रकाश पारेका थिए । कार्यक्रमकाे सहजीकरण समेत गरेका प्रमुख भण्डारीले पछिल्लाे समय उच्च शिक्षा अध्ययनका लागि बाहिरी देश जानेहरूका लागि याे नेटवर्क प्रभावकारी हुने उनकाे भनाइ थियाे ।
कार्यक्रममा ग्लोबल आइएमइ बैंक चारआली शाखा प्रमुख पिताम्बर खड्का
लगायतले शुभकामना मन्तव्य राख्दै शाखा स्थापना महत्वपूर्ण भएकाे उल्लेख गरेका थिए । शाखाबाट उच्च शिक्षाका लागि नयाँ
गन्तव्यको खोजी गर्ने विद्यार्थीहरूले भरपुर लाभ लिन सक्ने सहभागिहरूकाे भनाइ थियाे ।कार्यक्रममा अतिथिहरूलाइ मायाकाे चिनाे समेत वितरण गरिएकाे थियाे ।
