झापा । प्रतिबन्धित ब्राउनसुगरसहित दमकमा चारजना पक्राउ परेका छन् ।
दमक नगरपालिका वडा नं.५ सुकुम्बासी टोलमा ईलाका प्रहरी कार्यालय दमकबाट खटिएको प्रहरी टोलीले विशेष सूचनाको आधारमा सोही ठाउँ बस्ने २४ वर्षिय समिर गजमेरको घर कोठामा छापा मारेको थियो ।
त्यसक्रममा निज समिर गजमेर, दमक वडा नं .६ बस्ने २९ वर्षिय रोशल बुढाथोकी, वडा नं.५ बस्ने २४ वर्षिय रोशन माझी र ईलाम चुलाचुली गाउँपालिका वडा नं. ४ बस्ने २३ वर्षिय सागर लिम्बूलाई शंका लागेर चेकजाँच गर्दा उनीहरुको साथबाट ३ ग्राम ब्राउनसुगर फेला परेको थियो । ती चारैजनालाई नियन्त्रणमा लिई ईलाका प्रहरी कार्यालय दमकमा राखी थप अनुसन्धान भईरहेको जिल्ला प्रहरी कार्यालयले जनाएको छ ।
