झापा / ‘कलकतिया बाली’ भन्ने अविनाश झाकी श्रीमती अंशा सदाले आत्महत्या गरेकी छिन् ।
जनकपुरधाम उपमहानगरपालिका-१५ स्थित ‘कलकतिया बाली’ सिरियल बनाउने ठाउँमा रहेको आफ्नै घरमा राति साढे ९ बजेतिर २१ वर्षीया सदा मृत फेला परेकी थिइन् ।
धनुषाका प्रहरी प्रवक्ता डीएसपी बरुणबहादुर सिंहका अनुसार सलको पासो लगाएर झुन्डिएको अवस्थामा राति ९:३० बजेतिर उनको शव कोठामा फेला परेको हो ।
प्रहरी रातिदेखि नै घटनास्थलमा खटिएको छ । अहिले घटनास्थलको मुचुल्का गरेर शव पोस्टमार्टमका लागि प्रादेशिक अस्पतालमा लगिने प्रहरीको तयारी छ ।
मृतक अंशा मधेशको प्रख्यात हाँस्यव्यङ्ग्य युट्युब सिरियल ‘कलकतिया बाली’मा कार्यरत थिइन् । भित्रबाट ढोका बन्द गरेर उनी झुन्डेको अवस्थामा फेला परेको स्थानीय कलाकारको बयान छ ।
