झापा । झापा शिवसताक्षी स्थित सालमाराबाट २० वर्षीया निशा ताजपुरिया हराएकी छन् । शिवसताक्षी नगरपालिका वडा नं. ५ की निशा पुस २८ गतेदेखि सम्पर्क विहीन छिन् । उनको खोजी कार्यमा सहयोग गरिदिन परिवारले आग्रह गरेको छ ।
२८ गते शनिबार घरबाट विहान ११ बजे साथीको घरमा जन्मदिन मनाउन जाने भन्दै हिडेकी निशा अहिलेसम्म घर नफर्कीएकी बुबा कुवेर ताजपुरियाले बताए ।
कोही आफन्तकोमा पनि नभेटिएपछि छोरीको खोजीकार्यमा सहयोग गरिदिन उनले आग्रह गरेका छन् । शनिबार अवेरसम्म घर नफर्किएपछि आइतबार इलाका प्रहरी कार्यालय झिलझिलेमा खबर गरेकाे उनीहरूले जनाएका छन् । उनकाे माेवाइल समेत स्वीच अफ भएकाेले बुधबार सामाजिक सञ्जाल मार्फत सार्वजनिक गरेपश्चात नेपाल भारत सीमा स्थित कुञ्जीबारी क्षेत्रबाट खबर आएकाे हुँदा बिहीबार त्यसतर्फ जाने परिवारले जनाएका छन् ।
