झापाको मेचीनगर र कनकाईबाट प्रहरीले लागुऔषधसहित दुई जनालाई पक्राउ गरेको छ ।
बिहीबार मेचीनगर–६ स्थित मेचीपुलबाट लागुऔषध नियन्त्रण ब्यूरो काँकरभिट्टा र इप्रका काँकरभिट्टाबाट खटिएको संयुक्त प्रहरी टोलीले भारतको पानीट्याङकीबाट नेपालतर्फ सिटीमा आउँदै गरेका उदयपुर कटारी–५ का २५ वर्षीय खगेन्द्र तामाङलाई शंका लागी चेकजाँच गर्दा निजले हातमा बोकेको बैजनी रङको प्लाष्टिक भित्र जुत्तामा लुकाई छिपाई ल्याउँदै गरेको खैरो हेरोइन जस्तो देखिने लिसाईलो पदार्थ १२ ग्राम ८०० मिली ग्राम फेला परेको हो ।
त्यस्तै, बिहीबार राति झापाको कनकाई–४ पूर्व–पश्चिम राजमार्ग माइपुल छेउमा बिर्तामोडबाट दमकतर्फ जाँदै गरेको मे १० प ३२७६ नम्बरको मोटरसाइकललाई जिल्ला ट्राफिक प्रहरी कार्यालय र इप्रका सुरुङ्गाबाट खटिएको संयुक्त प्रहरी टोलीले शंका लागि चेकजाँच गर्ने दमक–१ का २७ को छङ राईले पछाडी बोकेको कालो झोला भित्र कालो प्लाष्टिकमा विभिन्न प्रकारका लागुऔषध, एक वटा मोबाइल र नगद ६ हजार २०० फेला पारी पक्राउ गरिएको छ ।
