साङ्केति तस्वीर
झापा । चट्याङले लागेर झापाको मेचीनगरमा एक हल राँगा मरेको छ ।
साेमबार बिहान ४ बजेको समयमा मेचीनगर नगरपालिका वडा नं.३ भावना टोल बस्ने
योगेन्द्र भट्टराईको गोठमा बाँधिराखेको दुईवटा राँगा अबिरल बर्षासंगै परेको
चट्याङ लागेर मरेको जिल्ला प्रहरी कार्यालय झापाले जनाएकाे छ । जसबाट १ लाख ५० हजार बराबरको क्षति भएको जिल्लाका डिएसपी कृष्णकुमार चन्दले जानकारी दिए ।
चट्याङले लागेर सोही गोठमा बाँधिराखेको एउटा माउ भैसीको देब्रेपट्टिको
करङमा सामान्य चोट लागेको उनले बताए ।
त्यस्तै हिजो राति परेको चट्याङले लागेर बिर्तामोड ९ नरियावारी बस्ने झालो राजवंशीको बिजुलीको मिटरबक्समा क्षति पुगेको छ । राति २ बजेतिर परेको चट्याङले लागेर राजवंशीको विजुलीको मिटरबक्स , टीभी , फ्रिजको वाइरिङ र वाइफाइको राउटरमा क्षति पुगेको र मानवीय क्षति नभएको इलाका प्रहरी कार्यालय बिर्तामोडका डीएसपी प्रकाश विष्टले बताए ।
