झापा / आन्दोलनरत नेपाल शिक्षक महासंघले आज बानेश्वर क्षेत्रमा निषेधित क्षेत्र तोड्ने खाेज्दा प्रहरीसँग झडप परेकाे छ । झडपमा परि १५ जना घाइते भएका छन् भने घाइते भएका शिक्षकलाई उपचारको लागि सिभिल अस्पतालमा लगिएको छ ।
बिजुलीबजार–नयाँबानेश्वर सडक खण्डमा भेला भएर प्रदर्शनमा उत्रिएका शिक्षकहरुलाई प्रहरीले रोक्न खोज्दा झडप भएको हो । विद्यालय शिक्षा ऐन जारी हुनुपर्ने माग राख्दै गत चैत्र २० गते देखि आन्दोलनको २६ औं दिनमा शिक्षक र प्रहरीबीच धकेलाधकेल भएको हो। साेहि क्रममा निषेधित क्षेत्र तोड्ने प्रयास गर्दै शिक्षकले प्रहरीमाथि ढुंगा प्रहार गरेपछि प्रहरीले पानीको फोहोरा हानेको छ।
शनिबार सरकारसँग भएको वार्ता
निष्कर्षबिहीन भएपछि महासंघले आन्दोलनलाई अलिक कडाइका साथ निरन्तरता दिएको हो।
शिक्षकहरुले शनिबार नै आइतबार निषेधित क्षेत्र तोड्ने घोषणा गरेका थिए। उनीहरु निषेधित क्षेत्र तोड्दै संसद् भवन प्रवेश गर्ने तयारी गरेपछि प्रहरीले रोकेको हो। आइतबार काठमाडौंको माइतीघरमा आन्दोलनका लागि आएका शिक्षकहरूले ‘शिक्षकको माग पुरा गर, विद्यालय शिक्षा ऐन जारी गर’ लगायतका नारा लगाएका थिए ।
