साङ्केतिक तस्वीर
झापा । झापाको बिर्तामोडमा आगलागी हुँदा अनुमानित २५ लाख बराबरकाे क्षति भएकाे छ । वडा नं ७ मियावारीमा आज बिहानै लालबहादुर अधिकारीको ग्वाली र मिलमा आगलागी भएको जिल्ला प्रहरी कार्यालय झापाले जनाएकाे छ ।
बिहान अन्दाजी ४.४० बजेतिर मिलमा विद्युत सर्ट भई भएको सो आगलागीबाट अन्दाजी २५ लाखबराबरको क्षति भएको प्रहरीले जनाएकाे छ । आगलागीबाट मकै र पराल जलेको छ भने एउटा बाछी मरेको र अर्को घाइते भएको छ ।साथै मिलमा प्रयोग हुने उपकरणहरु जलेर नष्ट भएका छन् ।
बिर्तामोड नगरपालिकाको दमकल, गरामनी प्रहरी चौकीका प्रहरी र स्थानीयको सहयोगमा बिहान ६.५२ बजे आगो पूर्णरुपमा नियन्त्रणमा लिइएको जनाएको छ ।
